معلقة .. انسي كلامي ..............

معلقة .. انسي كلامي ..

هالمعلقة من 160 بيت موجود منها 79 بيت فقط


(1)

انسي كلامي



ياقلبي مو هذي اللي قلت لي عنها صدقني طاوعني وخذ كلامي

تقول لي انها اللي كانت تكلمني ذاك الكلام وعجبها كلامي

تقول لي انها اللي كانت تكلمني وتمدح شعري وكلامي

تقول لي انها وعدتني اني أشوفها وأبادلها من كلامي

لاتقول شي الا وانت متأكد شفني سألتها وكذّبت كلامي

تِذكُر يا قلبي يوم سألناها ؟ كيف كنا نرجف وماطلع كلامي

وقالت لي مو أنا اللي كلمتك وحست اني افتريت في كلامي

بس احساسي يقول هيا اللي كانت تكلمني هذا آخر كلامي

واللي مأكد لي هالكلام بسمتها وربكتها في وقت كلامي

ليت كلامي معها طال وطال كان مانسيَت كلامي

وكان اتفنَّنت وبدعت وكلمتها من معسول كلامي

مالك يا قلبي الا انك تكرر كلامك معها اسمع كلامي

رح وقل لها انا اللي قدم لك رسالة فيها كلامي

رح وقل لها اني متأكد انك انتي وأنا متأكد من كلامي

رح وقل لها مافي أحد غيرك والا مو عاجبك كلامي

رح وقل لها انك انتي اللي كلمتيني وماسمعتي كل كلامي

رح وقل لها انك ماعطيتيني فرصة وماخلصت كلامي

ومافيها شي لو قلتي انك انتي ! راح تختصري كلامي

وبالعكس كان اهديتك خواطر وأشعار من أحلى كلامي

وياخوفي تكوني مو انتي اللي كلمتيني ويضيع كل كلامي

وياخوفي ماتبي تبيني لي انك انتي وتحيريني في كلامي

على بالك تعذبيني ماتدري انك تبعديني وتهزأي بكلامي

عموماً انا ماراح أسوي شي الا لما تردي على كلامي
وان ماكان ودك تردّي لا تردّي بس سجلي كلامي
وان كنتي تبيني أبدأ فنجوم السما أقرب ! وانتهى كلامي
لحظه لحظه .. اسمعي هالكلمتين واعتبريها آخر كلامي

انسي كلامي !



==========================

(2)

انسي كلامي !

آه ياجرحي العطيب تذكر يوم جاني المرسول وطلب مني أوضح له سر كلامي

آه ياجرحي الغريب تذكر يوم جاني وسألني عنها وقال انه حاب يسمع كلامي

آه ياجرحي اللبيب تذكر يوم جاني ذاك اليوم وكذبني وأنكر علي كل كلامي

وياللأسف ! مادريت انه مرسول والا كان ماقلت له ولا كلمه من كلامي

وقال لي لا تفرح كل اللي قلته وهم وزيف وقال أنا عندي أدلة تثبت لك كلامي

وكل يوم أقول له وين الدليل اللي يثبت كلامك ؟ مايجاوبني ويقول انتظر كلامي

ويقول كل اللي انت فيه أوهام ويقول ان حلمي بعيد واتشمت فيني وفكلامي

وقال انتبه على نفسك تراك تحت الأنظار مقصود وطلب مني أسحب كل كلامي

آه خلاني أبكي وأشكي كل همومي وآلامي تحت القمر تايه كيف أسحب كلامي

كيف أسحب الكلام اللي ناجيت فيه مشاعري وكتبت ماجرى لي من خلال كلامي

كيف أسحب اللي كتبته واللي داعبت فيه نشوة احساسي وكتبته في أحلى كلامي

وبكلامه لي خلى حبايبي وصحابي يعاتبوني ويضحكوا على كل ماتوقعته من كلامي

سؤالي ايش يبي مني وليه كلامه لي كان تهديد ؟ حسبي ربي عليه ليه كذب كلامي

وليه أنكر علي كل احساسي ؟ مايدري اني الين الحين واثق الا ومتأكد من كلامي

وليه كذبني وكذب كل مشاعري ؟ مايدري انه بكلامه خلاني أيقن زياده فكلامي

لأني أنا وقلبي متفقين انو هيا اللي كانت تكلمني مهما سوى ومهما طعن في كلامي

آه ياجرحي لا تنسى انه في يوم كان صاحب عزيز بس ليه يجرحني في كلامي ؟

وفنفس الوقت لا تنسى انه فيوم خلاني أعاتب نفسي وأشكي جروحي لكلامي

أرجع وأقول أنا ماسويت شي وايش ذنبي اذا كنت أظهرت مشاعري فكلامي ؟

وان كان فعلاً مرسول قولوا لها ليه تعذبني وتخليني أتوه وتشتت كل كلامي

أخاف تكون زعلانه علي وتبي تعاتبني يمكن عشاني أعلنت للناس كلامي

بس ايش ذنبي ان كان كل الناس يعرفوا قصايدي ويسمعوا معسول كلامي

قولوا لها تامر وتحكم وأنا راضي بحكمها لو كان ودها تداوي حيرتي وكلامي

قولوا لها ان صبري تبرى مني وجنوني تنازل عني واني صرت أشك في كلامي

انسي كلامي !



==========================

(3)

انسي كلامي !

أخيراً ياقلبي تأكدت انها اللي كانت تكلمني وتمدح شعري وكلامي

فعلاً هيا اللي كلمتني وهيا اللي كانت طول هالوقت تلعب بكل كلامي

والله ياقلبي صرت أثق فيك بعد ماكنت أشك في اللي أكتبه من كلامي

أحمد الله اني لقيت اللي لعب في حسبة كل حرف من حروفي وكلامي

جا الوقت اللي أهمس فيه بكل اللغات والمعاني وأقول انسي كلامي

جا الوقت اللي أعزف فيه بكل الأهازيج والأغاني وأقول انسي كلامي

جا الوقت اللي أناجي فيه كل الأحلام والأماني وأقول انسي كلامي

هما كلمتين انسي كلامي لكن بهالكلمتين سهرت الليالي أنا وكلامي

سهرت مو حب فيكي لكن حيرتي وشكوكي كانوا يعاتبوا كلامي

كان هدفي بس أعرف انتي والا مو انتي اللي مدحتي معسول كلامي

وأخيراً سهر الليالي انمحى وانشهرت قصتي من حروفي وكلامي

لكن .. عمري ماحنسى أحلى لغز في حياتي حليته بكلامي

أتمنى ماتشيلي بقلبك علي شي بكلمة يمكن زلّت من كلامي

خلينا نبعد واحنا حبايب قدامنا سنين وراح تذكري كلامي

انسي كلامي !



==========================

(4)

انسي كلامي !

بعد ماانتهت الحكاية وقلت لها بأعلى صوت انسي كلامي

جتني ياقلبي تقول انها ماكلمتني ومو هيا اللي مدحت كلامي

وقامت تحلف لي بأسماء الله انها ماتدري بحكاية انسي كلامي

طيب مادام مو انتي اللي كلمتيني ليه مارديتي على كلامي

لا تنكري انك فيوم اعترفتي بلسانك انك مدحتي كلامي

حطي عينك بعيني وصدقيني ماحتنكري كلمة من كلامي

انا ماادري انتي ايش تبي مني والا للحين مانسيتي كلامي

انا ماابغى منك شي ابعدي عني ارجوكي وانسي كلامي

لا تشغليني ولا تشغلي بالك ماعاد يهمني شي وانسي كلامي

لحظة لحظة .. بالمختصر المفيد خلاصة كلامي انسي كلامي

هذا جزء بسيط من ماكتبته بالنسبة لقصيدة انسي كلامي

وان كان عندها تعليق أو شي قولوا لها تنسى كل كلامي

تنساني ولا تكلمني بأي شي يتعلق بقصيدة انسي كلامي

والأهم انها تسكت وماتقول لأحد عن كلامها وكلامي

لحظة لحظة .. قدري المعزة ان كنتي تعزيني وانسي كلامي

انسي كلامي !